Cristiano Ronaldo’an A Bialnu Lak Atangin A Hausakna Hum Turin Dan Angin Ruahmanna A Duanglawk
Portuguese TV Show ‘TV Guia’ in a tarlandanin, footballer Cristiano Ronaldo chuan a hausakna sum leh pai a bialnu Rodriguez lak atanga venhim kawngah dan angin inremna thuruk a duang niin a tarlang. He thil hi hun lo la awm turah a bialnu Georgina nen an inthen thut pawha an buai lohna tur a ni tih a ziak lang bawk.
Ronaldo leh Georgina te hi 2016 kumah an intawng a, vawiin thleng hian an inkarah boruak duhawm lo hriat tur a awm lo a tih theih awm e.
Tun dinhmunah la innei chiah lo mah se milar inkawprem takte hian an thil neih leh hausakna sum leh paite chu enkawl leh neitu nihna kawngah inremna an duang lawk niin an sawi a. An 2 hian lo inthen mahse he agreement avang hian Ronaldo chuan a sum neih thahnem tak chu a humhim thei dawn a ni.
He an inremna (agreement) hian Rodriguez leh a fate hma hun pawh thui tak a hril dawn a, Rodriguez chuan footballer hnen atangin thlatin 100k Euros a dawng a, an inthen a nih phei chuan sum a dawn tur zat hi a pung thur dawn a ni. Hei bakah hian “I am Georgina” Netflix lama pholan tawh La Finca House chu Rodriguez hian a chang dawn bawk.
Footballer hausa Ronaldo leh a bialnu Georgina Rodriguez te hian an fate mi 5 an enkawldun mek a, an fate hi Ronaldo Jr, Eva Maria, Mateo Ronaldo, Alana Martina leh Bella Esmarelda te an ni.
Al–Nassr attacker Ronaldo leh a bialnu Georgina Rodriguez te chanchin hian fans te ngaituahna a luah hneh hle a, engtik niah nge an inneih dawn tih chu an thlir reng a ni.
