Your Daily News

Chinese Milar Hmingthang Chu Nula Pawngsual Thubuai Avangin A Hnathawhna Company In An Hnawl!

0 939

Chinese Milar Hmingthang Chu Nula Pawngsual A Neih Avangin A Hnathawhna Company In An Hnawl!

China ram thalai rualte atchilh leh milar tawpkhawk Kris Wu kum 30 a upa chu pawngsual thubuai avangin a talbuai ve hle tih hriat a ni. Amah hi lemchanthiam, rapper leh singer lar tak mai niin eizawnna lamah a duh duh thlang thei dinhmunah a ding a ni.

Mahse, tunhnai mai khan hmeichhe pawngsual thubuai avangin Kris Wu chu a hming a hliau tana, mi tam takin a chanchin an sawi huai mai mai a ni. Amah hi milar a nih mai bakah a hmel a that em bawk avangin company tam takah hna a hmu thei mai zel tih an sawi.

An sawidanin, rawlthar kum 17 mi a nih laiin nula kum19 mi bumna thangah a awka a hming a chhe hle tih an sawi. Nula chuan lemchan khawvelah thehlar tur angin a insawia, an inlengah a sawm zui ta a ni.

Nula kum 19 mi chuan kris Wu in ruihtheih thila a hrairuih hnuah a pawngsual niin a sawi a, hei bakah hian hmeichhe dang pariat lai mai a pawngsual thu a sawia an zinga mi 2 chu tleirawl an nih thu a tarlang bawk. Hmeichhia chuan Kris-a’n a ka hupbeh nan sum thahnem tak a pek thu pawh a tarlang bawk!

He a dinhmun khirh tak avang hian chinese milar Kris Wu chu company tam takin an iai avangin hnthawh tur mumal tak pawh hreloin a vakvai zui ta a ni. Mahse, hetih lai hian Kris chuan hmeichhe pawengsualtua an puhna chu dawt a nih thu leh,. amah puhchhetute chu khin let a tum thu a tarlang ve thung!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!