Your Daily News

Britney Spears A Kum 40 Tlin Lawmna Pianchamphaphakah A Bialpa Sam Asghari-a’n Kohduatna Hming Dangdai Tak A Pe!

0 1,290

Nimin Nov.2 kha khawvel huapa zaithiam lar Britney Spears a kum 40 tlinna pianchamphaphak niin, social media lamah pawh amah duhsakna leh lawmpuina thu thawn a leng chuai chuai mai a ni. Heti hian zaithiam Britney Spears chu kum 40 a lo tling ve ta reng mai!

A kum 40 tlinna ni pawimawh takah hian a pasal ni mai tur Sam Asghari chuan social media kaltlangin a bialnu lawmpuina thu leh a hmangaihzia a lantir ve nghal bawk. Sam-a’n Twitter kaltlanga a bialnu hmangaih biathu a hlanna leh lawmpuina thuthawn a tarlan chuan social media platform pawh a chhu hneh kher mai, an chanchin hian sawi zui a hlawh leh zual tih hriat a ni.

Sam leh Britney Spears te hi an inzuina la rei lutuk lo mahse, an inhmangaihna chu a ni telin a pung thur thur a ni ber. Britney chuan a bialpa Sam chu pasal atan a it thu sawiin, tun dinhmunah inneihna hmun tur leh mo thuam lamah a rilru a pe thuk tawh hle a ni.

An videos leh thlalak te chuan social media a luah zing malh malh hle a, heng an thil post zinga fans te leh internet lama ngaihven hlawh tak pakhat chu hei hi a ni.

Sam chuan a bialnu kum 40 tlinna lawmna ni pah fawmin, he khawvela a hmangaih ber a bialnu chu kohduatna hming thar pein “Buttneyy” tiin a ko zui a ni. He a tawngkam hman hian fans te pawh a tizauthau hle a, an chanchin hian sawi a hlawh em em ringawt mai a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!