Backstreet Boys singer AJ McLean leh a nupui Rochelle DeAnna McLean te chu an inthen niin TMZ chuan a tarlang.
Singer AJ leh Rochelle ten TMZ an hrilhdanin, inneihna chu thil hlu tak mai a ni a, thil awllai tak a ni lo bawk tih tarlangin, an 2 in kawng hrang zawh turin an nupa remtihnain an inthen lailawk tih an sawi. Tianga an inthen lailawkna chhan pawh hmalam hun eng zawk an neih theih nan an 2 remtihnain an inthen tih an tarlang a ni.
Tunah inthen rih mahse, nakinah nupa tuak ni turin leh chhungkua hmangaihna nen an intawng leh dawn niin an sawi a, tun dinhmunah erawh an mimal thil chu inzahsak tawn a, inthen rih mai an rel a ni.
Thil sawifiahna awm si lova inthen mai hi thil harsa tak a ni a, a bikin nupa inkara fanaute hi an ngaihtuahawm zual a ni tiin an nupa hian thuchhuah siamin an tarlang.
AJ leh Rochelle te hian kum 6 zet an inzui hnuin 2016 kumah inneih zai an rel a, Beverly Hills Hotel ah Backstreet Boys a member puite nen he inneihna hi an buatsaih a ni. Nupa tuak inthen ta te hian fanu 2 Ava leh Lyric te an nei a ni.
