An Inthen Atanga Kum 2 Liam Hnuah Kylie Jenner Leh Travis Scott-te An Inrem Leh! Mite Hriatah An Inkar Thu An La Puang Zar Lo!
Vawi 8 chuang Grammy Nominee Travis Scott leh Kylie Jenner-te chu kar khat chuang teh meuh an boruak chhe tawh siam tha leh tura an indawr hnuah an inkar hmangaihna tluchhe tawh chu an tung ding ve leh ta!
Thudawnna in E! News a hrilh danin, “Travis chuan Kylie nena lendun leh chu a duhthusam ber a ni” tiin Wednesday liam ta khan a tarlang bawk.
Travis chu Kylie hmangaihna chuan a chiah hneh hle a, a fanu Stromi leh a nupui hlui Kylie tan chuan eng pawh a tiduh ngei ang tiin thudawnna chuan a tarlang. Nupa tuakte hi rinloh takin 2019 kumah a inthen a, an inthen hnu pawh hian an fanu Stromi tan nu leh pa tha tak an ni chhunzawm zela, thian tha tak angin an in en zui thei a ni.
Kylie nuna thil entawntlak ang reng tak chu a fanu Stromi tan a pasal hlui Travis chu a pa a nihzia a lantir fo a, an fanu tana boruak rit leh thalo chu an hnawl dun zel a ni. An inkara an rilru puthmang leh an fanu an hmangaihna chuan tun dimhmun a hruai thleng leh kan ti thei awm e!
Kylie leh Travis-te hi 2019 kumah inthen tawh mahse, an 2 hian inhawisan an tum mai lo niin a lang, an inthen chhung hian ngaihzawng dang an neih awm hriat a nilova, an rilruah midangin hmun an chang lo a ni ber.
Chhungkua lam thudawnna in a tarlan danin, Rapper-designer Travis Scott chu $23.5m man Brentwood mansion-ah amahin a khawsaa, hetih lai hian KUWTK Star Kylie leh a fanu kum 3 mi Stromi-te chu $36.5m Holmby Hill Mansion-ah an khawsa thung. An inthen hnu pawh hian nu la pa dinhmun chu an vawng dun zel a, tunah erawh an intawhlehna chu public ni rih lo mahse chhungkua din leh turin an inkarah engkim peihfel a ni a tih theih awm e.
