Actress Rachel Bilson Chuan A Vawi 1 Nan Kum 38 A Nihin Vawrtawp A Thleng Ve Chauh Tih A Puang Chhuak!
Actress Rachel Bilson chuan mipathmeichhiatna lam kaihhnawiha a chanchin leh a thil tawn maksak tak sawi chhuakin, tlai khawhnua a chunga thil thleng mak danglam tak chu zep nei hauh lovin mite hriatah a puang chhuak tih hriat a ni.
Lemchanthiam Bilson chuan chuan a “Broad Ideas” podcast listeners te hnenah kum 38 a tlin hma zawng kha chuan mipathmeichhiatna a hmanin vawrtawp a thleng ngai hauh lo a ti a ni. A guest Whitney Cummings hnenah pawh “A mak viau lo maw?” tiin a zawt zui nghe nghe!
“O.C” star Bilson chuan kum 38 a tlin hma zawnga nupa nun lama a harsatna tawh dan kimchang tak erawh a sawilang lem lova, fa neih tawh hnuah nu thenkhatten vawrtawp an thlen har thu Cummings-in a sawi chu thil dik a nih ngei a rin thu a tarlang a ni. Bilson hian fanu kum 8 mi a nei tawh nghe nghe.
Actress Bilson chuan tunhma pawhin nupa nun lama a thil tawnhriat dangdai tak takte chu a podcast kaltlangin a lo puangzar fo tawh thin a, a chunga thil thleng te chu zep nei hauh lovin a sawi chhuak mai zel a ni.
Actress Rachel Bilson leh “Saturday Night Live” alum Bill Hader te chu 2019 kumah an lo inkawp tawh a, hemi hnu hian “O.C” co-star Adam Brody nen 2003- 2006 thleng an inzui leh a, a hnuah “Jumper” co-star Hayden Christensen nen inkawp chho lehin 2017 kumah an inthen leh a, tun dinhmunah artist Jack La Roc nen an inkawp niin thuthang a awm mek bawk.
