Actress Jennifer Lopez Leh A Bialpa Ben Affleck-te Inkara Thuruk An Fans-te La Hriat Miah Loh Chu!
Social media lar Instagram lo chhuah hma daih tawh khan JLo leh a bialpa Ben Affleck te chu hmangaihna tuipuiah an lo inchiah huh daih tawh a, tun hunah ang digital age ah lut tawh mahse offline hmangaihna chuan a daih rei zawk ti ni awm takin an 2 hian social media lamah an in follow lo ve ve tih hriat a ni.
July thla liam ta khan official takin Ben leh a bialnu JLo te chuan an inngaihzawn thu an puang a, an fans te ve ve chuan hemi te 2 hi Instagram lamah an in follow lo ve ve tih an hriat chhuah meuh chuan mak an ti hle.
Ben IG account hian 94 account a follow a, heng zingah hian Boston Red Sox, GQ leh Matt Damon nena an Pearl Street Film production company te an tel a ni.
Hetih lai hian JLo ve thung chuan account 1,315 a follow thung a, heng zingah hian JLo Fan pages 21 a tel tih hriat niin, a bialpa Ben account erawh hmuh tur a awm hauh lo niin an sawi.
Uluk leh thuk leh zuala an chungchang chhuitu an fans te chuan, milar te 2 Ben leh JLo te hian digital lamah sulhnu hmuh tur an lo nei lem niin an sawia, an 2 hian social media lamah an in follow lo ve ve niin TMZ chuan a tarlang.
