Actress Chopra-in A Film Chan Laiin Neksawr A Nih Thu Sawiin, Director-in A Kekawrtê Hmuh A Duh Tih A Sawi
Actress lar Priyanka Chopra sawidanin, Bollywood film industry-a a thil tawn ngeiawm leh duhawm lo tak chungchang sawichhuakin, film a chan laiin a zahawmna rahbehsak a nih bakah a mihring mihrinna endawng leh neksawr a nih thu a puang!
The Zoe Report-in interview a neihpuinaah, Priyanka Chopra chuan 2003 kumah a film chanah a ruka spy hna thawk lem a chang a, he movie set-ah hian mipa thlemthluk tum angin a inlan tih a sawi.
Heng ang film, thuruk hriatchhuah tuma spy lem a chan lai hian inchei itawm a ngaih thu sawiin mipate mit la zawnga inlan a tul tih a tarlang. Tianga inchei itawm pawh hreawm a tih tawhnakalaiin film director chuan stylist hmaah a kekawrte a hmuh duh thu a hrilh lai a hmuh meuh chuan a film chan bansan duhna rilru a neih phah hial a ti bawk.
He thil thleng hi atan chuan tawrhthiam a har tak zet tih Chopra chuan sawiin, ni 2 a liam meuh chuan Director chetdan leh neksawrna chu tuar zo loin project kal lai chu a bansan zui a ti a ni.
Hei bakah hian Chopra sawidanin, a chunga director chetdan chu a ngaihtheih loh avangin, a pa hnenah ngenna a siam tih sawiin, a film channaa sum senso chu production lamah a pekir leh vek niin a sawi.
