Your Daily News

Actor Brad Pitt Nen An Inneih Laia A Thil Hlauh Angelina Jolie In A Sawichhuak!

0 2,582

Actor Brad Pitt Nen An Inneih Laia A Thil Hlauh Angelina Jolie In A Sawichhuak!

Lemchan khawvela che pa tak mai actor Brad Pitt leh khawvel hmeichhe lar Angelina Jolie te inkar thu hian tawp in tai an nei thei dawn lo a ang hle mai!

Hmanni lawk khan actress Agelina Jolie chu The Gaurdian in interview neihpuiin, he hunah hian Jolie chuan a pasal hlui Brad Pitt tana thu ngaihnawm lo tak a sawichhuak leh tih hriat a ni.

Actress chuai thei lo Angelina Jolie chuan, a pasal hlui Brad Pitt chu na taka sawiselin, an inneih hun lai leh hmun khata an khawsak dun lai pawh khan Brad chu mi hlauhawm ani tih a sawichhuak leh a ni. A sawizawmnaah a pasal hlui Brad avang hian a fate leh a chhungkua himna chu dinhmun derthawngah awm tih a sawilang bawk.

A sawizel danin, Jolie chuan midangte anga thutlukna leh ngaihdan siam zung zung mi a nih loh thu a sawia, a fate leh a chhungkua lak atanga Brad Pitt dahbo tur hian hun rei tak ngaihtuahna a lo sen tawh thu leh a thutlukna chu thudikah chauh a kaltlangpui thin a ti bawk.

Brad Pitt leh Angelina Jolie te hian fa 6 an neia, an fate chu an upat dan indawtin Maddox kum20, Pax kum17, Zahara Kum 16, Shiloh kum 15 leh phir unau Vivienne leh Knox kum13 mi te an ni.

2016 kum a lo herchhuah meuh chuan, Actress jolie chuan a pasal Brad Pitt then tumin lehkha a thehlut nghal ta maia, dan pangai ang taka an inthen hnu pawh hian nupa tuak ngaihtuahna in ang lo takte hi an fate enkawl dan tur ah an la buai chho char char a tih theih awm e!

A hmain Jolie fa lak Maddox leh brad te inkarah buaina a lo chhuak tawh a, US atanga Europe lam pana an zin tumin thlawhtheihna chhungah Brad chuan Maddox chu a tiduhdah niin thubuai thehluh a lo ni tawh bawk. Mahse, Los Angeles County Department of Children and Family Service chuan Brad an puhna chu thutlingah a pawm ta lova, Brad chu a thubuai ata a fihlim ta a ni.

Nupa tuak inthen tawhte hian buaina neuh neuh an ngah hle maia, an buaina lian tak pakhat dang leh chu pawngsualtu a puh Harvey Weistein leh Brad te chuan thawhdunna thuthlung an ziaka, Jolie chuan a hmain harvey Weinstein hian a lo khawichhe tawh niin a sawilang ve thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!