Your Daily News

A Vullai Ni Chuai Hmain South Korean Actress Song Yoo-jung Chu Kum 26 Mi Niin Mual A Liam!

0 2,334

MBC Series “Make Your Wish” avanga South Korean ram mai nilo khawvel huap a lar pha, Actress Song Yoo-jung chu kum 26 mi chauh niin, January 23 khan mual a liam ta!

Actress la naupang tak leh hmalam hun eng thui tak nei Song Yoo-jung thih thu hi a aiawh thintu Sublime Artist Agency lam chuan thudik anih thu an nemnghet zui bawk. Song ruang hi Gangnam Branch of Seoul Medical Centre-ah vawiin Thawhtan tlailam hian a vuina hun hman a ni a, a thih chhan erawh puan nghal ani lo thung.

Song hi 2013 kuma lemchan khawvel lam a luhchilh hma khan Cosmetics brand model ah a tang thin a, 2014 khan a lemchan hmasaber “Make Your Wish” ah inlanin heta tang hian lemchan khawvel chu a daithuk tial tial a ni.

2019 kumah Song hian Sublime Artist Agency a zawm a, heng music videos thenkhat, Egg’s Friends to Lover leh NIve’s How Do I ahte 2020 khan a inlan ve ve bawk.

Actress song thih chhan dik tak chu sawilan a nilova, mi tam tak chuan mahni intihlum a nih an rinthu an sawi ve thung. South Korea ah hian entertainment lama mi lar thalai engemaw zatin an nunna an lo la tawha, Song pawh hi mahni intihlum a nih ring an tam hle. K-pop stars Goo Hara leh Sulli-te pawh mahni nunna la in an mual an liam tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!