Your Daily News

A Pasal Nick Nen Nupa Hlimdun Tak An Nih Theih Nana An Inneih Laia Dan Intawm 1 An Neih Chu Chopra In Puangchhuak!

0 18,799

Milar nupa Nick Jonas leh a nupui Priyanka Chopra te hi an career ve ve ngaihtuahin nupa inkawprem tak an ni kan ti thei awm e. An tuina ve ve zai leh lemchan lam chu thulh chuang siloin, an nupa hian hun an hmangdun fo a tih theih bawk a ni.

Hmanni lawka surrogate kaltlanga fanu duhawm tak an neih thu mite hriat a puangtu Priyanka Chopra chuan a hma khan an nupa nun leh an inkar boruak khalhngiltu thil pakhat Nick nen an inneih laia an Dan siam chungchang a sawichhuak tih hriat a ni!

Nupa inhmangaih tak singer Nick leh actress Priyanka Chopra te hi kum 2 zet an innei tawh a, hetih lai hian an nupa inkarah harsatna liantham an tawh thu hriattur a tam lo hle a ni. A chhanber pawh Nick leh a nupui Priyanka te hian an inneih laiin dan pakhat an nupa inkara chhawpnun tur an zam thu chu Chopra chuan mite hriatah a sawi a, he thil hi an nupa nun khalhngiltu a ni a ti.

Priyanka sawidanin, a pasal Nick Jonas nen hian kar 3 danah an inhmuh thin thu Elle a hrilh a. “Khawvel hmun hranah awm mahila, kan awmdun reng theilo a nih pawn kan nupain thla 1-ah ni 2 tal hun kan hmang dun ziah thin a ni” tiin a sawi. Hei hi an nupa inkara an inneih laia an thutiam leh an dan zam a ni a ti bawk. Tiang hian ruahmanna lo neisa lo se an inhmu khat ve ngawtin a rinawm a ni.

Chopra kum 38 leh Nick Jonas kum 28 a upa te hi May 2018 khan an intawng a, a hmain an 2 hian lo inhresa tawh mahse tun ang nupa nihna hun hlimawm leh hun tha hi an thlen phak a ring lo a ni a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!