Your Daily News

A Pa Rahbehna Avanga A Tawrhna zawng Zawngah Singer Britney Spears In A Nu Lynne Spears A Mawhpuh!

0 2,286

A Pa Rahbehna Avanga A Tawrhna zawng Zawngah Singer Britney Spears In A Nu Lynne Spears A Mawhpuh!

Singer Britney Spears chuan, a pa in a lakah thuneihna leh thiltihtheihna cheleka a rahbehna chhan ber chu a nu thinlung leh ngaihtuahna atanga lo irhchhuak a ni a ti. A pa thil tih zawng zawng phena thil inthup chu a nu ngei hi a ni tiin thu a thehdarh a ni.

Zaithiam maksakin a nu a puhna tawngkam leh thuziak hi Thawhlehni liam ta khan Instagram kaltlangin amah Britney spears chuan a tarlang a, a hnuah a paih bo leh tih hriat a ni.

A thu post Caption-ah, “Khawvel ramsate zinga hlauhawm ber chu a ruka nui ver ver hmeichhiate hi an ni” tiin a ziak a ni. A thuziak ah hian Britney chuan a nu leh pate a tinzawn tih a lang chiang hle a, “Ka pa Jamie chuan kum 13 chhung ngawt ka chunga thuneihna chelek tur hian finna a neih loh bakah, a fit lo a ni” tiin a tarlang bawk. A pa thil tih chu a nu idea ina a hrinchhuah a ni a ti bawk.

Kum 39 mi “stronger” singer chuan, hun hreawm tak a hmachhawn hun laite chu a kohkir leh ngai tawh lovang tih sawiin, a nu Lynne spears chuan a rukin a nun a tichhia a ni a ti bawk.

A nu chu na taka kap zuiin, “Eng thil chiah nge i tih hi i la hrechiang chiah em le? Ka pa hi Conservationship chungchang ngaihtuah chhuak tur hian a fing tawk lo tih hria ang che” tiin na takin a nu chu a ankhum hrep tih an sawi.

Sept.29 khan Jamie Spears chu a fanu Britney a awpbehna ata paihchhuah a nia, he thutlukna hi Los angeles Superior Court Judge Brenda Penny chuan a tichhuak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!