Hmeichhiate tan chuan an hmelthatna leh mawina chu bialpa zawnhmuhna hmanraw tha ber leh thiltihthei ber a ngaih a nih laiin, Los Angeles Influencer Hope Shwing tan erawh single phahna leh bialpa tur zawnna kawnga vanduaina thlentu a ni hlauh thung!
Amah Hope Schwing ngeiin Tik Tok kaltlanga a sawidanin, a hmelthat em avang leh a lan itawm em avangin mipain an hnaih ngam lo tih tarlangin, a taksa mawina chu mipate ngainat a hnekin anmahni umbotu a ni hlauh a ti a ni. Lenchhuahpui atan pawh an sawm ngam meuh lo a ti bawk. He influencer Tik Tok video hi Internet khawvelah a viral chiam tih hriat a ni.
Influencer nula hmeltha leh duhawm Hope Shwing kum 24 a upa chuan, mipa kawpdan a thiam lo mai niloin nulat tlangvalna lamah dating experience a nei hauh lo niin a sawi a, a mawina chuan bialpa zawnna kawngah a dal nasa hle niin a sawi.
Hope chuan single a nihzia leh a mal zia chu zep nei hauh lovin social media kaltlangin a auchhuahpui a, tianga a malna leh bialpa a neih lohna chhan ber pawh, a lan itawm em vang a ni tih tarlangin, a mawina chu mipaten an hlau a, a taksa itawmna chu atan ânchhiaah a chang zo a ti a ni.
He influencer Hope inpuanchhuahna video hian 3.7 millions views bakah, vawi 474,000 zet Likes a hmu pha nghe nghe.
