Your Daily News

A Chenna Inah Indian Actor Samir Sharma Inawkhluma Hmuh A Ni

0 1,844

June 14-ah India actor lar leh mite ngaihsan em em mai Shushant Singh Rajput chu thia hmuh ania, vawi ni thlengin a thihchhan dik tak hriat a la nilo. He a thihna hian India ramah nghawng a nei lian hle a ni.

Shushant Singh thih chhan chu chhui mek niin police-te pawh an chawl meuh lo a ni. Tianga thihna in Bollywood a bawhbuai mek laiin TV Actor lar Samir Sharma kum 44 mi chu a chenna inah inawkhluma hmuh a ni ve leh ta!

Sameer hian “Kahani Ghar Ghar Ki” leh “Woh Rehne Wahli Mehlon ki” movie ahte changin, TV Serial 15 laiah inlanin Bollywood movie 3 a chang tawh bawk.

Samir Sharma hian a nupui thenin Mumbai khawpuiah amahin a khawsa tih hriat a ni. Amah hi lemchan bakah modelling lamahte langin a lar hle a ni.

A chanchin an hriat lohna a rei deuh tawh avangin August ni 5 zan, zan dar 9:00 pm velah Watchman-in a choka darthlalang atanga bihin ceiling fan-a a inkhai lai chu a hmu ta a ni. Thenawm khawvengte pungkhawmin chhantlak a awm tawh loh avangin damdawi in lamah tlanpui nghal a ni.

Police-te chuan a thihna atangin ni 2 vel a liam an ring tih an sawia mahni intihlum a ni ngei tih an sawi bawk. A chanchin chu Bengaluru lama khawsa a chhungte pawh hriattir nghal an ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!