Zan mut hmain thil tih duh zawng kan nei theuha, a thente chuan inbual fai hmasak emaw a nih loh leh thingpui in zawh hnuah ha nawhfai phawta mutna khum bel kan awm thin.
A enga pawh chu nise, i zan mut thin dan (habit) khan i hriselna ah nghawng thui tak a nei tih hrereng la, zan mut laia tihtur lam chu tam tak sawi tur a awm awm e.
Tun tumah chuan, zan mut laia tih miah loh tur thil thenkhatte i lo sawi dawn teh ang:
1. I muthilh laiin Sana bun suh ang che. Kan sana bun hian radioactive a tichhuak renga, hei hian i taksaah nghawng tha lo a nei thei a ni.
2. Hmeichhe tan zan mut laia Bra phelh lova mut hian hriselna kawngah nghawng thalo tam tak a nei thei. Expert-te sawidanin zan mut laia Bra hren hian vunrawng landan a tihdanglam theih bakah hnute ah natna a inthlah pung thei tih an sawi. Darkar 12 aia rei bra hren hian hnute cancer veina chance a tisang tih hriat a ni.
3. I lukkham sirah phone dah chungin mu suh. Phone mutpui hi thil tih chi loh tak a ni tih chu kan hre theuh awm e mahse, hei hi hre reng chungin mi tam tak chuan ka dah lo phal chuang hauh lo. Department of Health, California-in a tarlandanin phone atanga radiation insiam chhuak thlen phaknaa mut fo hian kawng tam takah mihringte hriselna a tichhe thei tih a tarlang. I mutna kiangah phone i dah a nih pawhin switch off hmasak ngei a him tih hria la.
4. I Make-up tifai hmasa lovin zanah mu ngai suh ang che. Clear Clinic founder Dr. Eric Schweiger sawidanin hmai phih fai hmasa lova mut chin hi vun tan a thalo hle a, vun a hrisel thei lo tih sawiin arngeng pawh nasa takin a tipung tih a sawi bawk.
5. Kekawr tawt ha chunga mut loh tur. Jeans kekawr tawt tak nena mut ai chuan Boxer emaw kekawr bul thawl lampang ha chunga mut a hrisel zawk. Mithiamte ngaihdanah phei chuan saruaka mut hi a tha hlei hlei. Hei hian mipate tan chi insiamdan a tichaka, hmeichhia tan pawh zahmawh rim a tichhe nep tih an sawi.
6. A tawp ber ah chuan mipa or minu nen mut dun chin hauh loh tur ani. Hei hian i nunkhua a titawi thei tih hrereng ang che!
