Your Daily News

Mobile App ah chhiar theih in a awm e

WCC zawm hi a him em?

0 33
B Chhuana

WCC hi World council of churches khawvel kohhran inzawmkhawm pawl(lsua krista chu Pathian leh chhandamtu atana pawmtu kohhrante inzawmkhawm )tih na a ni a,kohhran inthen darhna avanga faith an order leh Life an order conference pawl pahnih infinkhawm hmalaknain kohhran hrang hrangte thawhho na tura kum 1948 Amsterdam khawpuia an din a ni,mumal taka din anih hnuah heng khawpui leh ramah te hian Assemble neih a ni,

Amsterdam Holland 1948.
Evanston illinois 1954.
New Delhi lndia 1961.
Upp sala Swedent 1968
Nairobi Kenya 1975.
Vancouver Colombia 1983.
Canberra Australia 1991.
Harare Zimbabwe 1998.
Porto Brazil 2006.
Beisan S Korea 2013 te an ni,source Dr PC Biaksiama WCC bih chianna.

WCC DIN CHHAN LEH THIL TUM

Rinna hmunkhat lang thei lama inpumkhata Lalpa zanriah leh Sacrament pumkhat chan tlante,A huho va chanchintha puandarhna leh hriatpuina lama hmalak,Mihringte mamawh dikna te,lnremnate,Thilsiam enkawla humhalh tur te, mihringte inkar indaidanna thiahte,Sakhaw rin hrang neite kara inhriatthiam tawnna leh thawhhona boruak tha siam te a ni.

WCC member ni thei tur chuan kohhran member 50,000 nei tan full member anih theih a,kohhran member 10,000 nei tan pawh member anih theih bawk,General secretary hnenah dilna an theh lut thin a,chu chu Central comitee in anlo thlir leh thin,tin WCC sum hmuh 82% hi kohhran hrang hrang member atanga thawhkhawm a ni tlangpui.

WCC thiltum hi Ecumenical movement an tia,Ecumenical tih hi Grik tawng Oikoumene tih atanga anlak, a awmzia chu Luahkhah khawvel tihna a ni,khawvel pumhuapa cheng mihringte kawka sawi a ni,Ecumenical movement tih hian khawvel pum huapa kohhran inzawmkhawmna tura hmalakna zaikhata luang za a inpawlkhawm tura hmalakna leh kristian kohhrante bakah sakhaw hrang hrangte nen pawh a zaikhata luanza Unity of all Religion hi antum a ni,

Kohhran dinchhan leh hnathawh pui ber chu ringlo te hnena chanchintha hril hi a ni,WCC in adin tirh ah chanchintha hril hi hnaah nei mahse hna tul berah an nei lem lova,Khawvelah kohhran hrang hrang 349 zet member maktaduai 560 nei mahse chanchintha puan darhna lamah hmalakna sawi tur vak an nei lo,mirethei leh ram rethei deuhte antanpui thin thung,Krista chanchintha hrilh darh hna hi hnapui berah nei chu nise khawvel ram zawng zawng hi Lalpa ram ni vek tawh tur hi a nia,mahse an hmathlir leh beisei ang hian an thawk der si lova,Lalpa ram tizau tura hmalak lam aiin kohhran pawl awmsa te atanga member intih pun a, pawla intih lena lnsawhngheh lamah akal chak ta zawk a,chanchintha hril a chhunglam nun lnsiamthat leh thlarau piantharna lam hawidanin khawvela pawl lian leh ropui ber sorkar inzawmkhawm UNO ang vel mawhphurhna inbelin khawvel sakhaw c zawng zawng chungah an leng ta zawk a ,WCC din tantirh a an thuvawn motto chu One world-One church tih hi a ni ,khawvela kohhran pakhat One Ecumenical church emaw super church emaw Sakhaw pakhat World Religion church WRC din hi anthil tum ber a ni bawk,WRC te nen pawh ang khatin an thawk ho reng a ni.Hetiang super church hi alo chhuak ngei dawn tih kan bible hian alo hrillawk sa reng bawk thup 17.

WCC HI NAWHCHIZUAR KOHHRAN ANI EM
Thupuan bung 17 leh 18 ah hmeichhe mak leh turu ropui tak tui tam tak(mipui tam tak) chunga thu Babulon thuruk Nawhchizuar thil tenawmte nu tih hial asawi kan hmuh kha WCC sawina nia ngaih a ni,WCC thil tum nen pawh ain ang em em bawk,thupuan buah hian kohhran sawi nan hmeichhia hman ani fova,Kohhran dik chu Krista Mo,Beram no nupui tih te a sawi a ni,thup 19:6.Nawhchizuar tih erawh chu hmeichhia tho mah nise hmeichhe pangai pu zo tawh lo,kohhran kalsual sakhaw dik lo sawina a ni.William brooth an kum sangbi thara thil lo thleng tur asawi lawk,lsua tello va Kristianna,Thlarau thianghlim tel lo sakhuana asawi ang hi a ang ber awm e,He hmeichhia nawhchizuar hi a awm dan atangin mihring mimal sawina ni theiin alang lova,pawl ropui tak khawvel huapa sakhaw inzawmkhawm pawl super church sawina niin ahriat theih thupuan 17:1 (Rev Ronald Lalthanliana thupuan chhuizauna)

Tunah hian kum 50 chuang zet chu WCC WRC leh Roman catholic kohhran tangrual chuan khawvel huap kohhran leh sakhaw zawng zawng inzawmkhawm Grobal Religion din turin hma chak takin anla duai duai reng a,khawvel puma Liberal kohhran leh Liberal theologiante hian Ecumenical movement lam hi an hawi thup vek bawk,Evangelical theologian zirtirna kherkhiap lutuk te dahthain sakhaw intluk tlanna tur Universal Religion lam hawiin khawvel hi ain puahchah mup mup tawh ani.

WCC ZAWM HI A HIM LO
Kan sawi tawh angin WCC hi sakhaw thurin vawn bik pawh nei lo kristian tih hmingpu tawh phawt leh sakhaw dang milem biate,Mawngkaw hur kohhran leh Setanic kohhran thlengin aleng vek a ni.Nikum hmasa 2016 tir vel pawh khan WCC chuan an pawlah S Africa rama setanic kohhran te anlawm lut anih kha,tunah member tam ber nih tumin an campaig reng a,kohhran pawl hrang hrang leh sakhaw hrang hrang te nen thawh ho theih dan tur fing tak leh thiam takin hma an la reng bawk,Bible hi adaw anih ngawt loh chuan he sakhaw super church hi tuman anbauh ding lovang.

Kristiante thurin chu sawi loh sakhaw dang milem betute thurin hial pawh hriatthiampui a Kan Pathian biak hi ain thuhmun in ang vek a,kan hriat dan leh kan biak dan ahrang mai alawm
an ti a ,thupuan buin nawhchizuar kohhran thiltenawmte nu atih nen inhmeh tak zawng ani e.mi thenkhat chuan WCC hi sakawlhah te an puh fo va,mahse bible chik tak kan chhiar chuan ni theiin alang lova,sakawlh lo chhuahna tur niin ahriat theih Thup 17:13

Tunah hian khawvel inrelbawlna New World Order sakhaw pakhat,sorkar pakhat,pawisa pakhat an tih chu hunrei tawh tak atang khan New movement hian hma ala char char tawh a,Dik tak chuan ringtu kohhran hote sakhaw dang betute nen zaikhata kan luanza dial dial hun hi kan hlat tawh lo,

Keini presbiterian kohran pawhin kum 2011 khan WCC zawm leh zawm loh chungchang presbitery khawmpui tinah rel ani,WCC zawm duh presbitery 16 awmin zawm duh lo 29 kan awm thung,zawm duh lo kan tam zawk avangin zawm rih lo nise tia rel a ni (Synod chanchinbu)WCC hi Direct in zawm lo mah ila,lndirect NEICC,BSI CWM WCRC kaltlangin kan zawm tho niin alang,

Engpawh nise kan Bible bu tawp ber thupuan buah hian khawvel tawp dawn hun hnuhnungah khawvel huapa sakhaw ropui tak Nawhchizuar kohhran hi a lola ding dawn tih alo sawi lawk tlat mai,kan pumpelh thei lovang,hemi laka lo inthliar fihlim turin min lo zilhlawk a”, Ka mite u,an sualnaah te intel lohna tur leh anhremnate inhmuh ve lohna turin achhunga ta lo chhuak rawh u tiin min hrilh a ni,thupuan 18:4.

Kan ram kohhrante tan hian WCC zawm a him lova,him lova kan hriat avanga zawm lo niin alang a,zawm pawh kan amamawh lem lo bawk,kohhran thenkhat te chuan kan lo zawm tawhte pawh ani mahna.kan lo zawm anih chuan biblein min hrilh angin kan inthliar fihlim hi atha ber ang,ringtute hi ringlo mite nen rual lo taka nghawngkawl bat dun tur kan ni lo tih kan Pathian thu hian min hrilh a ni .

This content is created from http://mizothuziak.blogspot.com/2018/01/wcc-zawm-hi-him-em.html with Octolooks Scrapes

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com