Your Daily News

Sumpai chungchanga hriat tur thate

0 83

Sum avangin i nui ngai tawh thin anga, i tap ngai tawh thinin ka ring bawk. Sum chungchangah chuan i insiamthat tur, i chhinchhiah tur leh i theihnghilh tur a awm a ni.

1.I pe chhuak a,i dawng leh tawh lo thin em?

Mi hmaizah thei tak i nih phei chuan i tum vang reng nilova mite i pawisa i puktir an awm ngei ang, an dawn lai chuan an nuiserh a, dil leh tumah chuan a batu zawk kan ang duh viau thin a ni. Chutianga mi hmaizahna i nei lian thin viau a nih chuan puk tir reng reng suh, i puk tir a nih chuan malsawm la theihnghilh nghal rawh, i rilru a nuam zawk ang.

2. 100 vel lekin

A chang chuan puk pawh ni lo, khawimaw 100 vel, mi lo hman tir lawk teh an rawn ti mai a, kha kha tiin 100 lek chu phal takin ka lo pe chhuak mai thin kha a ni a, nangpawh i lo pek fo thin tawh kha tirawh. Mahse maw ngaihtuah chiang la, budget hi kha tiang 100 lek atang khan a chim thei a ni. Puk a ni lova, a tam lo nen kan dil let ngai lo bawk a, a chang chuan sang telin kan pe ta mai thin a nih kha. Min lo hman tir lawk an tih chuan hre lo der mai rawh aw.

3. Mite hi nangmah i ni lo

I lo tanpui tawh ang chiah khan nangma hunah i tanpui tawhte khan an tanpui che i ring em? teuh lo mai, kal mai teh kha ni ringawt aw. Mite kha nangmah an ni lo a nia. A chang phei chuan an rawn puk nawn a, i lo pek loh phei chuan an rilruin an pawtsawm vek che a, a takin ti lo mahse, i lo puih tawh pawh kha an hre tawh lo va, i puihloh chauh kha an hria  a ni.Mite chunga that i duh chuan mitchhingin tha law law rawh, a let a awm dawn lo.

4.Thian pawh hmelma

Sum lema thian siam turin Lal Isuan a sawi a, piangthar lo tan chuan sum vang hian unau pawh an invawhlum thin a ni.Pawisa a inrawlh tawh chuan, thian, unau a awm tawh lo, hmelma an ni vek mai thin.Sum leh ro vanga nu leh pate thih hnu a unaute in be tawh lo hi an tam a nia. Chuvangin sumah chuan i pianpui pawh ring vak suh ang che. Unau leh pianpui hnai lo chu tui laiah an inbum thei lo a ni.

5.Sum lo chuan

Kawlho chuan rangkachak neih chuan chhungte kan nei tih thufing an nei. Pawisa neih loh laia mi hre duh vak lotute pawh sum an ngah takah chuan an mikhual vak lo thei khawp mai. Sum neih loh chuan mite karah kan tlangtla thei lo, sum ngah chuan khawiah pawh mite zah an kai, an hnung lamah sawisel tun tun mahse. China thufing chuan ‘mifing nih i duh chuan sum ngah rawh’ an lo ti. HeHe he, thiante nena inchhuahho vin nangman bill pe thin la, i inah chuan chi nen chaw ei rawh.

(Ka belhchhah nual)

source’akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com