Your Daily News

Mobile App ah chhiar theih in a awm e

Mifingte thil tih thin 6

0 56

Khawiah pawh kal ila, lal, hotu, hruaitu neia khawsa vek kan ni. Thiante zingah pawh zeilober ni duh lo vek kan ni thin a, a thiamber, a hreber leh fingber nih hi thlahlawh nei lote pawn kan ni hlawh atan kan duh hliah hliah thin a ni. Hetianga mifing kan tihte hian awm satliah mai maiin fing nihna an hmu ngai lo, thil eng emawte an ti thin a ni. Chung te chu

1) An en chiang:Mifing kan tihte hian a bula thil awm leh an hmuhte hi an enchianga, an ngaithla chianga, an zir chiang bawk thin a ni. Mite khawsak dan leh an chhehvela thil awmte chu an en thin. Mite an biak pawhin mite tawngkam,aw phawi, sukthlek dan leh an dinhmunte ngun takin an en thin a ni.

2) An dilchhut: Mifing kan tihte hian ‘aw le, pawi lo ve’ tihte hi an hmang ve mai mai lova, an thu hriat leh hmuhte chu chiang zawka hriat leh hmuh tumin an dilchhut thin a ni. An thil hriat leh hmuhte chu ‘engvangnge?engtikahnge?engtinnge?engthil nge? tih hi an ngaihtuah zawm thin.

3) An ngaihtuah nawn: Mifingte chuan a thil hmuh leh hriatte chu an thamral tir ngai lo, an ngaihtuah nawn a, an chhui nawn leh thin a ni.Thutlukna an siam hmain duh thlan tur tha an siam teuhva, a khawi hi nge ‘hniaher,awmber,thaber’ tiin an chhang thin. Mite thuzawhna pawh “aih” an ti mai lova, muangchangin ‘aw’ a ti thin.

4) An zir belh zel:Thih thlenga inzir tur kan nih hriain lehkhabu an chhiar taima, sawiho an uar,thu ril leh thu thukte an zir, an thluakah tam tak lut tawh mahse hriat belh hi an tuina a ni a, midangte hi hriat chian an duh ang bawkin mi zawng zawng hnen atang an zir a ni.

5) Midangte an ngaihtuah: Mifing chuan a bula awmte pawh a hria a, an dinhmunte a hriat avangin a lainat thiam a, a hmangaih thiam bawk thin. Mahni buai lai leh harsat laia a dinhmun chu hrerengin midangte harsat leh buai laia an awmdan tur a hriat sak.

6) A takin an che thin: Mifingte hian thil an ngaihtuah peih tih hi a dik, mahse chumi an ngaihtuah chinah chuan an tawp mai lova, a takin an thawk thin a ni. Mi hnarin an thaw lova, an sawi tun tun lo bawk. Sawi aiin thawh hi a sawt tih hi an hria a,nasa takin an thawkchhuak zawk thin a ni.

Nang pawh hetiang hi i lo tih theih zel chuan mifing i ni mai dawn.

source ‘akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com