Your Daily News

Mobile App ah chhiar theih in a awm e

IQ nei tha lo mah la mi hlawhtling i ni thei

0 26

A thlangpuiin IQ 130 chuang neite hi thluak ropui tak neitute emaw, fing chungchuang bika ngaih an lo ni thin. Tin IQ 130 chuang nei hi khawvel mihring zingah 0.2 %chauh an awm tite pawh an awm nuk laiin IQ 140,145 neite hi fing pirpak an ni a, 115,124 neite hi mipangaite aia fingte an ni tiin an sawi ve bawk.Hlawhtlinna hi pianpui danglam bikna avangte a awm thei a nih rualin zirthiamna, thiamnalna leh suangtuahna atangte pawhin a hmuh ve theih tih an hmuchhuak a ni. Engpawh chu ni rawh se, a hnuaia kan tarlante hi an zawm ve chhin teh.

1) Ni tin thil ngaihtuah nan minute 10 hmang rawh: I hun hman tawh, hman leh tur, i beisei leh thil tumte i ngaihtuah ngai em? I lo pian chhan, eng ang mihring nge nih i tum, engnge i goal, chumi tarket chu thleng turin engtinnge hmalak i tum? ngun takin ngaihtuah zel rawh. Hlawhtlinna hi ngaihtuahna leh suangtuahna atangin bul a intan tih hre reng rawh.

2) Ni khatah minute 20 lehkha chhiar nan hmang rawh: Lehkha chhiar hlawk zia i hriat kha, i kum rualpuite zingah pawh lu pahnih neitu i hnih phah thei. I thil chhiar chuan i hlut zia, i nun awmze ril dante a hrilh thei che a, i la hriat loh thilte a hrilh dawn che a ni. Minute 20 zel lehkha chhiar nan i hun i hman theih chuan kum khat chhungin page 15 nei lehkhabu bu 15 kumtin i chhiar chhuak dawn a ni. Hlawhtling tur chuan hun leh pawisa pawh sen a ngai ve a nia aw.

3) Ngaihtuahna sawr bing nan minute 30: Mihring kan ni a, thil engemaw vang talin kan tul, kan buai, kan phili chung thin a ni. Khawvel changkanna leh thil awlai lutukte hian kan ngaihtuahna hi kan hriat loh laiin a lo luah ru reng thei a ni. Engnge ti hmasa ila tha ang tih pawh ka hre lo, ka lung a zing kan tihte kha ngaihtuahna sawrbing thiam lote awmdan a ni. Chuvangin i thil tum ber hmu tura i kalna kawngah khan tibuaitu tam tak an awm dawn a, mahse i rilru sawrbing la, i thiltum chauh kha i rilru pe la, bei zel ang che aw.

source ‘akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com