Ka kum rual lek ni si, ka hriatna a tha tawh lo titute tam tak ka tawng thin. Thil kan chhinchhiah theihna hi kan ti chak thei a, kan ti chhe thei bawk a ni. Tunlai hian thil theihhngilh i ching em? i hriatrengna tha tur chuan hengte hi lo hre ve mai mai chhin teh aw.
Zingah thil ei ngei ngei rawh: Eng vang pawhin zing chawei or thil ei hi thulh ngai suh ang che. Nilenga i taksain a hman tur ‘thlum’ siamtu a ni a, i ei loh khan i thisenin a mamawh thlum a kham loh khan i thluak ngaihtuahna a ti hniam dawn a ni.Taksa peng dang aiin thluak hian hna a thawk nasa ber a, a mamawh i pek loh chuan i thil chhinchhiahna a chhiat phah dawn a ni.
Mut kham rawh: School thenkhat chuan a hun hnaiah lehkha an chhiar chiam a, mut pawh kham lovin an bei thin. Mut kham loh hian khawsak a ti muang a, thluak a ti dul bawk. Exom hnaia nawr vak ai in a tir atangin uluk ila, a hun thlen dawnah kham takin mu i la, thluak a fim a, chhinchhiahna pawh a tha zawk a ni.
Ei tam lutuk suh: Ei uar hrim hrim an awm nachungin, athen chuan lehkha an en nasat avangin a ei lui thin a, mahse ei tam hian i weigh a ti rit anga, i thluak ngaihtuahna pawh a ti muang thei a ni. 2012 a America mithiamte chuan thil ei tam lutuk hian hriatna leh chhinchhiahna a ti chhe thei tih an hmuchhuak a ni.
Phone khawih reng suh: Phone khawih rengte hi an thawpa, an rit chhur a, a ringte a na thei bawk. Phone khawih uar chuan mut dawn pawhin a khawih thin a, chuchuan mut a tikham lova, a rei chuan a chhinchhiah theihna a kawih ngei ngei thin. India institute of Medicine and science chuan phone eng en rei lutuk hian thluak a ti vung thei a, thluak a vun chuan lu a na a,ngaihtuah a tawi a ni an ti.
Thil thlum ei tam loh: Thluak chak tur hian thil thlum hi kan mamawh nain, a hlei hluata kan ei chuan thluak leh taksa peng danga cellte a ti vung thei a ni. I thluaka cell a vun chuan a hna tha takin a thawk thei tawh dawn lo va, hriatrengna a ti khawlo a ni.
source ‘akhayar.com’
