A vawikhatna atan Pique chuan Shakira nen an inthen hnuah interview a hmachhawn a, a ex singer Shakira vangin social media kaltlangin sawiselna leh deusawhna a tawk nasa tih Podcast kaltlangin a tarlang.
Shakira nen an inthen tak avanga fans te chetdan chu thil mawi lo tak a nih thu a tarlang a, a kawppui hlui Shakira chu Latin American a nih thu sawiin, a fans te chu nunna nei lo an ni tiin Podcast ah a sawichhuak a ni.
Pique’an tiang anga Podcast kaltlanga Shakira fans te a beih tak vak hnu hian Shakira pawh ngawi duh bik lovin Twitter kaltlangin Latin American a ni chu a chhuang hle tih a tarlang ve nghal a, Latin American ram hrang hrang flag nen “Proud to be from Latin American” tiin thu ziak nen social media lamah a pholang a ni.
Singer Shakira leh a fate 2 chu Pique pain in chhuahsan tura thupek a tihchhuah hnuah Miami lamah an thlawk lut tawh a, hetih lai hian eviction notice pek an ni lo niin media thenkhat chuan an tarlang ve thung.
