Your Daily News

Mobile App ah chhiar theih in a awm e

A ENG LAM THLIR THIN ANG CHE, by freddy z hrangchal

0 162

A ENG LAM THLIR THIN ANG CHE

๐Ÿ’ Kan hringnun hman mekah hian harsatna kan tawk thin a, chu harsatna chu engtiangin nge kan hmachhawn thin? Harsatna lo thleng thinte kan lo dawnsawn dan leh kan lo hmachhawndan a zirin harsatna, mangangna, lungngaihna, hlimna leh lawmna etc kan hringnun hian a lo tawk mai thin a. A thenin hringnun chu kan hlimpui em em laiin a then chuan thih mai duh khawpin hringnun chu a lo tahpui thin.

๐Ÿ‘Œ He hringnuna harsatna lo hmachhawn thiama a ENG lam thlir tlat thinte chuan nunhlimna an chhara, harsatna an tawh thin te leh an thil tihsual thinte chu insiamthat nana hmangin ENG chu an inhruai tir thin a ni.

๐Ÿ˜Š He hringnuna THIM a tha lo zawnga thlir thinte chuan an hringnunah harsatna, manganna leh thil tihsual an neih reng rengin dam man awm lo an ti a, an nun a lo nguaia, mahni nun hial lak duh khawpin an nun an lo hmangta thin a ni. A pawi hle.

๐Ÿ‘ Aw le chhiartu duh tak leh thian duh tak engtin nge I HRINGNUN CHU I LO CHHIAR ve thin le?

Kan hringnunah harsatna, manganna, lungngaihna leh thil tihsual emaw kan neih reng rengin kan BEIDAWNG MAI TUR A NI LO. He hringnun a ENG zawnga thlir tlat thinte chuan chu eng ngei mai chu an inhruai tira, thim a lo thlen pawhin chu eng ngei mai chu an thlir a, an hruaituah an hmanga, chu eng chuan kawng dik leh tha a kawh hmuha, chu kawng dikah ngei mai chuan an kal a, HMANGAIHNA hmunahte, DUHSAKNA hmunahte, CHAWLHNA hmunahte, HLAWHTLINNA hmunahte, BEISEINA hmunahte leh VAN hmun thlengin an kala, an tum an hlawhtling thin a lo ni.
๐Ÿ’€A thim zawnga nun thlir thinte chuan THIM chu zawhin kalna lai tur ber pawh hre lovin kawng an zawh a, an kalna kawngah eng a awm loh vangin an inchhuih palh a, khuarah an tla a, an na a, kawng dik zawk leh kawng tha zawk an hre lo a, thim thamah kawng an zawha, a thim em a vangin kalna lai ber tur hre loin MANGANG LEH BEIDAWNG TAKIN an kawng an zawh ve mawp mawp a, a tawpah eng hruaitu awm lo na na chu khamah kal liamin an thih phah thin.

๐Ÿ”Š KAWNGDIK TAK ZAWH TURIN ENG CHU THLIR TLAT LA, CHU ENG NGEI MAI CHUAN I TUM RAM *HLAWHTLINNA* CHU A HRUAITHLENG NGEI ANG CHE.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com