A Pa, Migrant Worker Hliam Tuar Cycle Hmanga 1200km Zeta Thui Phura Khua Hruaithlengtu Hmeichhe Naupang Kum 15 Mi Chu National Cycling Team-a Lut Turin Enchhinna Nei Tura Sawm A Ni

Hmeichhe naupang kum 15 mi, a pa migrant worker hliam tuar hmun hla taka atanga Cycle chungah phura an chenna khua hruai thlengtu chu National Cycling team ah lut thei turin enchhinna neihpui turin sawmna a hmu. He naupang hian a pa chu hliam a tawrh avangin mahnia kal thei a ni lova Cycle khalh chungin an chenna hmun thleng hreawm pawh sawi lovin a hruai a ni.

Jyoti Kumar Paswan hian a pa Mohan Paswan chu cycle hmanga phurin an thawmhnaw bagte nen Delhi khawpui bul mai Gurugram City atangin northeastern state, Bihara an khua a hruai thleng tih Local media lam chuan an tarlang. Ni 7 zet Cycle rap kalin 1200km a hla an khua chu an thleng ta hram a ni.

A pa Paswan hi auto driver niin Lockdown avanga hna thawhtur an neih tak loh avangin beidawng takin amah anga mi nuai tel tawrhna ruama awm mekte chu a zawm ve ta ani. In luah man pek tur leh ei tur takngial pawh an neih tak loh avangin loh theih lova an haw a ngai ta tih a pa chuan a sawi.

A fanu Cycle khalh a thiam zia leh a fei zia chuan Cycling Federation of India mit a la hle a ram aiawha tel ve turin enchhinna neihpui turin offer an siamsak ta a ni. Chairman Okar Singh chuan thawmhnaw bakah a pa phur chunga 1200km, ni 7 chhunga a cover thei chu thil mak a ni tiin amah ah theihna a awm a ni tiin a sawia enchhin ngei a duh tih AFP a hrilh. Federation lam hian an enchhinna result a zirin mamawh leh tul dang chu an kalpui dawn a ni.

US President, Donald Trump fanu Ivanka Trump pawhin Twitter kaltlangin Jyoti ropui a tihzia leh a chhelzia a tarlang nghe nghe.

Comments (0)
Add Comment