Your Daily News

Mobile App ah chhiar theih in a awm e

ISRAEL-IN POLAND BILL SIAM TUM SAWISEL

0 90

Israel Prime Minister Benjamin Netanyahu chuan Poland-in Nazi death camp sawidan chungchanga dan siamṭhat a tum chu a sawisel.

Poland chuan dan an hman mek siamṭhat a tumah, Nazi-te pawikhawihna thlenah Poland-in mawhphurhna a nei tia sawi chu khapin, a sawi luite chu jail-a tantir theih an ni dawn a ni. He dan siamṭhat hi Senate-a pass a nih hnuah president-in a hming a ziahhnan a ngai ang.

Israel PM chuan hemi chungchang hi sawichhuakin, tumahin history chu an thlak danglam thei lo a, Juda mite tihduhdah leh nghaisak an nih chungchang chu tumahin an pha thei lo ang, a ti. Israel Foreign Ministry chuan an rama Poland palai pawh koin, hemi chungchang hi a sawipui a ni.

Poland hi Indopui II hunlai khan Nazi Germany-te chuan beiin an awp a, an mi leh sa maktaduai tel an thahsak a, an zingah hian Polish Jews maktaduai thum an tel a ni. Poland rama Nazi-ten Juda mite an tihhlumna hmunte chu Polish camp ti tea sawi ṭhin an ni a, hei hi Poland sorkar chuan hman chhunzawm a duh tawh lo a ni.

 

credit, vanglaini

 


Share this Post

Leave A Reply

Your email address will not be published.