Your Daily News

Mobile App ah chhiar theih in a awm e

Venezuela-in Spain ambassador hnawtchhuak

0 76

Venezuela sorkar chuan an rama Spain ambassador Jesus Silva Fernandez chu ramchhung inrelbawlnaa inrawlhah puhin an ram chhuahsan turin a ti. Thla hmasa khan Brazil  leh Canada ambassador-te a lo hnawtchhuak tawh bawk.

Spain chuan Fernandez an puhna chu thu dik lo anih thu sawiin, Venezuela sorkar chu a ngaihdan thlak leh tura a ngen tur thu a sawi.

Spain ambassador hnawhchhuah a nih thu puan a nih hma lawk hian European Union chuan Venezuela senior official pasarihte hrekna tichhuakin, EU rama an zin khapna leh an thil neihte khawih chet theih loa a hrek thu a puang a ni. Venezuela President Nicolas Maduro chuan official-te hrek an nih theih nana EU nawrah Spain hi a puh a, president a nihna aṭanga paihthlak a nih theih nana ruahmanna siamah a puh bawk.

Mahse  EU chuan Venezuela official-te hrekna siam anih chhan chu nikuma sorkar laka lungawi lo ten nawrh an huaihawt laia an dikna palzut sak zawnga sorkar chetna kaihhnawih thil a nih thu a sawi. Nawrh huaihawtte beih letnaah hian mi 120 chuang an thi a ni.

Thawhlehni khan Venezuela Constituent Assembly chuan an ram president thlan hun tur, December-a neih tur chu April thla tawp lama neih a nih tur thu a lo puang tawh bawk. Inthlanah hian President Maduro chuan a chuh leh tur thu a sawi a ni.

Leave A Reply

Your email address will not be published.