Your Daily News

Mobile App ah chhiar theih in a awm e

MI ZAKZUM CAMILA CABELLO?

0 312

Milar zingah hian zakzum leh mi bula khawsa tam lo tak takte pawh an lo awm ve nual a ni awm e. Cuban-American singer Camila Cabello chuan mi han biak lumlam te, mi bula han khawsak velte chu harsa a tih thu leh, amah pawh nasa tak a infuih ṭhin thu a sawi.

Kum 20 mi Cabello chuan,”Mi han biak mai hi harsa ka ti ṭhin a, chhuah vaha mi thar han tawnte pawh hi ka ti ve ngai lo. Mi bulah ka awm tam lo a, ka ṭhian leh chhung hnaite bulah ka hun tam zawk chu ka hmang a ni” tiin, ṭhian hoa vah chhuah leh hun hman vel chu a tih ngai loh thu a sawi. ‘Havana’ hitmaker hi a zahzum piah lamah, ṭhian kawm tam lo mi tak a lo ni.

Cabello chuan social media chu nunphung tikhaihlaktu ber a nih thu sawi bawkin, amah pawhin Twitter bak a khawih ngai lo tih a sawi. Chu pawh chu a duh reng vang ni loin, a fan te tan liau liau a nih thu a sawi bawk. Cabello hian American girl group Fifth Harmony chu a chhuahsan a, amaha a kal hran hnuah a hlawhtling zui viau bawk.

Leave A Reply

Your email address will not be published.