Your Daily News

Mobile App ah chhiar theih in a awm e

A BIALNU-IN A THEN AVANGIN A VIT HLUM

0 257

Mipa pakhat chuan a bialnu hnenah then lo tura a dilna chu hnawl sak anih vangin a bialnu chu choka a hman-chi chemte hmangin shopping centre car park na hmunah a vit hlum a ni.

Joshua Stimpson kum 23 zirlai leh Molly McLarente chu thla 7 an inzui hnuah an inkarah buaina neuh neuh a awm avangin Molly-i hian an inkar thu a ti tawp a ni. A bialnu-in a then tak avang chuan Joshua chuan a tuarna hle a, kar hnih hnuah Shopping center car park na hmunah chuan molly-i chu ava hmu a, tahchuan Joshua hian molly-i hnenah chuan a chunga a  thil lo tih tawh zawng zawngte chu a sim tur thu leh ngaidam turin a ngen a mahse molly-i chuan Joshua ngaihdam dilna chu a pawm loh avangin, Joshua chuan a bialnu molly-i chu a vit hlum ta a ni.

Joshua hian tihpalh thil thu nilo in, tum lawksa rana a bialnu hi that niin a ngaih theih a ni.A chhan chu tualthatna thlenna hmun hi choka nilo in,shopping center ani a, Joshua hian chem a rawn pai sa tih a chiang hle tihna a ni.

Joshua leh Molly-i te an inthen hma hian Molly-i chuan joshua an a treat dan, a kham tawh zia leh a rilru a la naupan chhiat zia thu a thiannu hnena message a, a thawn pawh joshua chungchang relna court room chhungah chhiar chhuah a ni bawk. Ukil Mr Bennetts chuan Joshua hian a bialnu chu tumlawk rana that anih vangin na taka hrem nise tualthahna a kiam phah thei deuh ang tih court hnenah a hrilh.

Joshua ukil chuan Joshua case ah ngaihthiamna tel se a tawrh tur tih tlem deuh sak turin court hnenah a dil sak a ni. Mahse court chuan chu dilna chu a hnawl sak nghal bawk.

Joshua-a hremna hmuh tur hi rel mek a ni.

 

 

Leave A Reply

Your email address will not be published.