Your Daily News

Mobile App ah chhiar theih in a awm e

ZIRTIRTU NULA PAHNIH TE PAWNGSUAL A RAWNG TAKA THATTU ZAWN MEK A LA NI

0 1,116

Kachin Baptist Church ( KBC ) school a volunteer a zirtirtu hna thawk nula kum 20 mi pahnih te chu pawngsual an nih hnuah rawng taka thah an ni.

KBC school a zirtirtu pahnih te hi an thawhna hmun Myanmar,Shan state kawrkhai khuaah kum 2015, january ni 19 khan rawng taka thah anni a mahse tun thleng hian tualthattu te hi zawn hmuh an la nilo chu media lam chuan pawi an tih thu leh, tupawh chu lo nise tualthattu chuan a phu tawk hremna hmu ngei se an tih thu an sawi.

Zirtirtute pahnih thahna hmunah hian Myanmar army camp 503 a sipai te an awm avangin tual that thubuaiah hian Army camp 503 a awm sipai 28 te chu an inhnamhnawih nia rin hlelh an ni. kumin January ni 19 khan volunteer zirtirtute pahnih thi ta te hriat renga hun serh an hmanga an thlanah KBC zirtirtute chuan tawngtaina hun an va hmang a ni.

Tualthattu hmuh chhuah ngei anih theih nan pawldin ani a, mahse chet lak tak tak an tum a piangin danin a khap tlat thin thu KBC hruaitu lu doctor Kha Lam Zang suan-a chuan a sawi. Ruang an hmuh hian Zirtirtu Maran lura-i taksa ah hian hliam 41 a awma, Nan tsin-i ruangah hian hliam hmun 37 ah a awm bawk a ni. An ruang hi hmuh hreawm khawpin an taksaah hliam hrap thlak tak an awm thu an sawi.

Hriat rengna hun serh an hman ni hian, ” Tualthattute hi hriat kan duh a ni, thu dik tak hriat chhuah kan duh mai a ni. Case kan buaipui a piangin Myanmar army hming chhiatna tur ani tiin sipai hruaitu ten min dang zel a ni. Pathian hmingin ka ngaidam thei a mahse Tualthattu hi hriat kan duh mai a ni, Tualthatute zawn chhuah hi thil harsa anni lo a sin , chu chu engvang nge min tih tir duh loh ” tiin Doctor Kha Lam Zang suan-a chuan Irrawaddy chanchinbu mite hnenah a hrilh.

He cause kal mek hi chhuizui teih loh tura chelh din tlat anih thu KBC school ukil  Pu Barandi chuan a sawi tel bawk,

 

Leave A Reply

Your email address will not be published.