Your Daily News

Mobile App ah chhiar theih in a awm e

Syria-in Turkey thlawhtheihna kahah vau

0 115

Syria chuan Turkey indo thlawhtheihnate chu a ram chinah an thlawk lut a nih chuan kahchhiatsakah a vau.

Hetih lai hian Turkey chu Kurdish fighter, firfiak pawla a puante lakah ramri kaltlanga beihpui thlak tumin a inbuatsaih mek thung. Turkey official-te chuan Syrian-Kurd pawl, YPG tia hriatte chu Syria hmarlam, Turkey ramri bula an awmna, Afrin bialah beih tumin an lo vau tawh a ni.

YGP hi Turkey-in firfiak pawlah puang mah se, US chuan YPG hi Syria rama Islamic State (IS) firfiakte an beihnaah ṭangkai tak niin a sawi a, training pawh pek a tum thu a sawi a ni.

Syria sorkar chuan Turkey hnenah a ram chinah Turkish fighter jet leh bomber an thlawklut a nih chuan a lo kap nghal dawn tih sawiin, Deputy Foreign Minister Faisal Mekdad chuan Syria Air Force-te chuan Turkey thlawhtheihna lutte kap thla turin an inpeih reng tih an hrilh niin a sawi. Afrin bialah Turkey hian beihpui a thlak a nih chuan Syria ram thuneihna palzut sakah an ngaih tur thu an hrilh bawk.

Syria-in vau mah se Turkey chu YGP laka beihpui thlak tumin a inbuatsaih chhunzawm zel a, chhim lama Hatay province ramriah tank pakua a dah tawh. Nilaini khan National Security Council chuan meeting koin, US thlawp YPG-te’n an ram an beih thulhahinveng tura a theih anga lo inbuatsaih an rel a ni. Turkey chuan YPG hi dan pawna hnawl, Kurdistan Workers’ Party (PKK) nen inzawmna an neih avangin firfiak pawlah a puang a ni.

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com