Your Daily News

Mobile App ah chhiar theih in a awm e

DONALD TRUMP AN FAKE NEWS LAWMMAN DAWNG TUR PUANG 

0 155

US President Donald Trump chuan ‘fake news’ award a puang a, ‘The New York Times’ chu Fake News award la tuah a puang zui bawk.

President Trump hian US-a media house liante inkar boruak hi a ṭha lo hle a, Trump chuan media house-te chu thu dik tawk lo thehdarhah a puh fo a ni. New York Times bakah ‘ABC News’, ‘CNN’, ‘Time’ leh ‘The Washington Post’ te chu award winner atan a puang bawk a ni. He award hi Trump hian a twitter-ah a puang a ni.

Fake news award a puan rual hian President Trump chuan a chungchang bakah a kaihhruai sorkar hmalakna leh policy chungchang media lama thehdarh a nih danah 90% vel chu thu dik tawk lo niin a sawi. Media mite zingah rinawm lo leh eiru nasa tak tak an awm rualin, reporter zahawm leh rinawm tak tak eng emaw zat an awm thu a sawi nghal bawk.

Fake news award winner atana a puan hi The New York Times-a Pual Krugman-a thuziak, Trump-a US President atana thlan tlin a nih aṭangin US economy tlachhiain, ngai a awh chho leh theih tawh ngaih loh thu a ziah chungchang a ni. ABC News reporter Brian Ross-an President Trump-a hnuaiah an ram market nasa taka a tlakhniam chungchang a ziah chu fake news award pahnihna dawngtuah puan a nia, pathumna dawngtu atan CNN-in Donald Trump leh a fapa Donald J Trump Jr-ten WiliLeaks document-te khawih danglam theihna an nei tih chungchang a ziah chu a ni. Time magazine-in Trump-an Oval Office aṭangin Martin Luther King, Jr lim a dahbo nia a sawi chu pali-naa puan a ni bawk.

Leave A Reply

Your email address will not be published.