Your Daily News

Mobile App ah chhiar theih in a awm e

US GENERAL-IN PAKISTAN NENA AN INZAWMNA TIHTAWP ANIH LOH THU SAWI

0 73

US military officer, Marine General Joseph Dunford chuan tunhnaiah Pakistan leh US inkar boruak ṭha lo chho mah se, ram pahnihte inzawmna tihtawp a nih loh thu a sawi.

Brussels-a chanchinthar lakhawmtute a kawmnaah Joint Chiefs of Staff chairman Dunford chuan Pakistan nen thil engkimah ngaihdan thuhmun leh duhdan thuhmun an nei kher lo a, mahse inzawmna ṭha zawk an neih zel theih nan an bei zel dawn tih a sawi a ni.

US chuan Pakistan sorkar chu a ram chhunga firfiakte zalen taka awm phalsak leh, an chunga action la loah puhin a lo sawisel fo tawh a ni. Hei vang hian Pakistan tana security lama chhawmdawlna a pek ṭhin pawh a tihtawp rih dawn tih a sawi. Mahse Pakistan hi US tan hmun pawimawh tak a la ni reng a, Afghanistan-a US-in firfiakte a beihna kawngah, a sipaite hnena supply a pekna kalka pawimawh tak a ni.

 

Credit, vanglaini

Leave A Reply

Your email address will not be published.