Your Daily News

Mobile App ah chhiar theih in a awm e

MIPA NAUPANG THLA 3 MI PUM ATANG NAUTE PATHUM AN ZAI CHHUAK

0 1,986

Thil mak tak zawng a ni, a awihawm loh hial zawk a ni. Mipa naupang thla 3 mi pum atang naute pathum Myanmar, Nyi pyi taw khawpuia A thousand bed hospital ah an zai chhuak a ni.

Naute nu hian phir pali a pai a, mahse pakhat chuah a hring chhuak a ni, midang pa 3 turte chu pum chhunga naute a insiam lai hian a piang chhuak chhun pumah hian an luh thu doctor te chuan a sawi.
Naute hi a pian atang a thla khat a tlin chuan a pum chu vung angin a rawn puar tan niin naute nu hian a sawi. Naute hi hospital panpui nimahse a ni telin zual lam a pan zela a pum chu a puar lian belh zel a ni. Mandalay hospital panpui ani leh a doctor te chuan ultrasound a an endik hnuah February ni 8 ah zai turin thu anti tlu a ni.

Mahse naute pum hi a puar belh zel avangin naute nu chuan Nyi pyi taw khawpuia A thousand bed hospital ah a panpui leh a ni. A thausand bed hospital doctor te chuan December ni 19 khan naute pum chu hlawhtling takin an zai thu naute pi Daw Chhaw’in a sawi.
Naute hi tunah chuan a dam that tawh thu leh a pum chhunga naute awm pathum zinga pakhat chu hmeichhia niin a dang erawh naute insiam mek chauh an la nih vangin hmeichhia nge mipa tih a la hriat theih loh thu doctor ten an sawi.

Leave A Reply

Your email address will not be published.