Your Daily News

Mobile App ah chhiar theih in a awm e

ASIAN CHHUNGKAW ZINGA MINGO NAUPANG ANG, LO PIANG ZEUH AWM THIN CHUNGCHANGA HRIATZAUNA

1 609

Heng naupangte hi Albinism mingo an ti thin

1.Chibai doctor ; Ka hriat thiam loh thil pakhat chu kan zofate zingah pawh mingo (sap ) naupang anga vun ngo leh hmul buang chhapa naupiang awm leh zeuh thin hi a chhan ni thei tur enge ni ang awm?, vitamin leh taksain a mamawh thil tlakchham vanga hetianga rawn piang an ni thei a ngem?

2. kan thenawm a naupang pakhat chu kum 10 mi a ni a, a vun rawng chu mingo ( sap ) ang chiah a ni, chu mai a nilo a hmul thlengin a buang vek a, nisa a tuar thei lo hle bawk. Chu chu natna chikhat nge ni? a nu-in mingo mipa a mutpui vang zawk?

Doctor : Awle heng naupang ang hi naupiang 18,000 atanga 20,000 inkarah hian pakhat an rawn awm leh zeuh thin. kan ramah chauh pawh nilo asia khawmual khawi ramah pawh an piang thei a ni. An piang hlim a tangin an famkim lohna (mi an an lohna ) kan ti thei ang.  An vun, an mit leh sam ah te melanin level a hniam lutuk vang ani kan ti thei awm e. A tlang puiin heng naupangte hian khawhmuh lamah harsatna an nei thin. mit lama harsatna nei lote chu vanneih tak an ni. Minawlpuiin kan hriat dan chuan Leukoderma (Vitiligo) thek or phar natna tiin kan ko mai thin bawk.

Damdawilam thiamte chuan ti hian kan thliar hranga Oculocutaneous Albinism (OCA) chu an vun, mit leh sam chu a ngo var hle a, OCA1 ,OCA2, OCA3 leh OCA4 chi 4 in kan thliar hrang thin a ni. OCA1a ang a naupiangte chuan rawng siamtu melanin engmah an pai lo a ni. OCA1b anga naupiangte pawhin melanin tlem chauh an pai tel bawk.

Ocular Albinism (OA) anga naupiangte chu an mit rawng chiah a danglam thin, mipa anni tlangpui bawk, mahse an sam rawngah tlem a lang tel thin. An mit ah hian chi hran hranin a lang chhuaka thenkhatte chu strabismus ( mit kalh ang ), photophobia ( Ni eng hmu tha thei lo ), nystagmus ( mitmu che zawk zawk ) leh impaired vision or blindness ( khaw hmu fiah lo, then khat chu an mit a del tel bawk) a ni.

Tih palh lutuk,  Albinism natna hi enkawl dam theih ani lo a, Mahse an mit lama harsatna chu sunglass an bun chuan  khawhmuh leh men a ti nuam phah deuh thei a ni. Nisaah chhuah tlem a tul a, pawn an chhuahin an vun khuh vek thei tur ang chi silhfen inbel thei se a tha hle bawk. Thenkhat erawh an mit lama harsatna a ziaawm deuh theih nan an mit zai theih ani bawk.

Credit, doctor Tin Shew

 

 

Leave A Reply

Your email address will not be published.