Your Daily News

Mobile App ah chhiar theih in a awm e

KHAWVELA NAUPANG HLAUHAWM BERA AN SAWI CHU LUNGIN ATANG A RAWN CHHUAK DAWN

0 2,707

India rama naupang Armadeep Sada kum 8 mi chuan mihring thah ngawl a vei emaw tih tur hialin tual a thah avangin khawvel naupang tualthattu hlauhawm ber pawla chhiar tel a ni.

Armadeep Sada hi india, eastern state of Bihar, khawte pakhat a cheng ani a, Armadeep hian hmeichhe naupang thla 6 mi chu rawng taka a thah avangin man a ni. Naute nu hi a hman loh avangin a fanu thla 6 mi chu naupang enkawlna school ah a daha tah chuan Armadeep pawh lehkha zirin a awm ve a ni.

Armadeep hian an zirtirtute an buai lai tak chuhin naute muhil chu pawnah pawm chhuakin school atang hla takah naute chu rawng takin a that ta a ni,School atang hla taka a hruai chhan pawh naute a sawisak huna naute au thawm an hriat a hlauh vang niin Armadeep hian a sawi bawk. Armadeep hian naute hi a thih hma loh chu leirawhchan-in a chhu ngat ngat a ni, naute hi a thih hnuah hnahin a kuh bo a tichuan engmah thleng lo ang maiin school lamah a let leh a ni.

Tlai lamah Naute nu hi a rawn let a fanu a hmuh tak lohah chuan a chhungte chu a fanu zawng turin a pun a mahse an hmu zo lo, naute an zawn lai hian Armadeep hi school ah a la awm avangin an ringhlela police hnenah an report ta a ni. Tichuan police te chu school ah chuan an rawng kal a Armadeep hi thlem pahin thu an zawt a Armadeep hian biscuit ei pahin hmeichhe naupang chu a that anih thu leh midang pahnih a thah tawh thu pawh an hre chhuak ta a ni,

Police te chuan Armadeep chu mak anti hle a ni, Kum khat liamta khan Armadeep hian a putea fapa thla 6 mi pawh a lo that thawh a, mahse police in an man ang tih an hlauh vangin a chhungte hian an zep a tihpalh thil ani tiin an thup.

Armadeep tual thah vawihnihna chu a pianpui a unaunu hmeichhe naute thla 8 mi a ni. Police ten, midang pahnih lai a that tawh bawk tih an hriat hnu chuan Armadeep hi rilru kim lo tual thah chak hrim hrimah an ngaih avangin naupang lungin ah kum 18 a full thlenga tang turin a chungthu an rel a ni. Armadeep an man kum hi kum 2007 khan ani a, lungin a tang khan kum 8 mi ani bawka , Armadeep hi chhuah zalen thuai anih tawh dawn avangin mipui tan mi hlauhawm tak anih theih thu leh thil pawi tak a thleng nawn leh ang tih chanchinbu mite chuan an hlauh thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com