Your Daily News

Mobile App ah chhiar theih in a awm e

ZAWNG NENA MIDUM NAUPANG AN KHAIKHIN VANGIN SHOPPING MALL PAKHATAH BUAINA A CHHUAK

0 241

Khawvela a silfen company lar tak Swedish H&M company chuan south Africa rama shopping mall pakhatah  an silhfen fak nan midum naupang pakhat an hmanga, midum naupang fakna ah hian “coolest monkey in the jungle” tih an ziah tel avangin midum mipui an thinrim hle a ni. 

Midum naupang fakna a coolest monkey in the jungle tih an ziah tel avang chuan midum ho chuan midum naupang chu zawng nen an khaikhin ni a, an ngaih tlat avangin midum mipui thinrim chuan H&M company in phochhuahna hmunpui shopping mall chu an suasam a ni.

Midum pungkhawte hian shopping mall chhung an suasam chhiat vek avangin police an rawn inrawlh ve a, police te chuan rubber silaimu hmangin mipui pungkhaw chu an hnawtbo thei hram a ni.

He fakna chungchangah hian H&M company chu thenkatin an dem em em laiin mahse tenkhat erawh chuan a pawina a awm lo tiin an sawi bawk a chhan chu mingo naupang pawh he sweatshirt  fakna ah hian a tel ve a ni. Mahse H&M company chuan mipuite hnenah ngaihdam an dil thu time chanchinbu hnenah an hrilh.

He sweatshirt fakna pawh internet atang an removed vek thu an sawi bakah america ramah chuan zawrh chhuah anih loh tur thu an sawi tel bawk a ni.

 

 

 

Leave A Reply

Your email address will not be published.