Your Daily News

Mobile App ah chhiar theih in a awm e

INZAI AI CHUAN MIT DELA AWM PAWH THLANGTU PITAR CHU AN THLEMTLU THEI TA

0 715

Thailand ram-a pitar Wiang Boonmee kum 63 chu a dam loh vak avangin a hmaia pangtichawr chu a zual phah hle a ni. thlalaka kan hmuh ang hian a chal vun leh mitko vun chu an rawn uithla nasa hle a, heivang hian khua a hmuh theih loh phah tawh a ni.

Pi Wiang-in khaw eng a hmuh theih tak lohah chuan a fate leh a tute chuan surgery ti mai turin an thlem nasa hle nain pi Wiangi hian hun rei tak chhung chu surgery neih a ngam tlat lo a ni.

Pi Wang-i sawi dan chuan a naupan lai atang tawhin pangtichawr natna hi anei tawh a, mahse tun ang hian vawikhatmah a pangtichawrte an la than ngai loh thu a sawi. Pi wiang-i hian a mitin khua hmu thei tawh lo mahse Bangkok bazar pakhat a naupang lawmzawng thil a zawrh thin chu a la bansan lo.

Pi Wiang-i hi media lamin an buaipui nasat em avangin a lar hle a, amah khawngaihtute chuan a hranpa liau liauin pi Wiang-i thil zawrhna bazarah kalin a thil zawrhte an lei sak thin a ni. Rangsit hospital chairman ni mek doctor  Sunura Ourairat chuan pi Wang-i hi a khawngaih em avangin a thlawnna surgery nei turin a thlem a mahse pi Wiangi chuan chemte hriam nena in hmachhawn tur chu a hlauh em avangin doctor-in a thlawnna inzai tura a sawm chu a hnar a ni.

Mahse a fanu-in inzai hi a hlauhawm loh thu leh an inzai chuan khua a hmuh leh tur thuin nasa taka a thlem hnuah inzai chu a rem ti a Pi wiangi hi a thlawnin Rangsit hospital ah tun atanga hun rei lo ah an zai thuai tur thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com