Your Daily News

Mobile App ah chhiar theih in a awm e

Champion duh Chelsea

0 89

Antonio Conte-a’n Chelsea a enkawl ṭan kumah Premier League nomawi a chawi a, football tournament upa ber FA Cup final-ah erawh Arsenal an ngam lo. Blues hian zanin dar 11:00 hian tun season-a an FA Cup hmasa ber atan Carrow Road-ah Norwich City an lenchilh ang.

Chelsea manager Conte-a’n December thla chhunga match an ngah em avangin player a siksawi hle tura ngaih a ni, chuti chung chuan Championship club lakah chak zawk tura rinkai an la ni tho.

Norwich hian kum 1994 December thla khan Chelsea hi an lo hneh tawh a, hemi hnuah vawi 13 intawng leh tawhin chak ni hmel an hmu leh tawh lo. Conte kaihhruai Chelsea hian tun hnaia an match hnuhnung pasarihah chak loh an neih loh avangin inrintawkna an nei sang dawn.

Italian manager Conte hian David Luiz a dam tawh thu a sawi a, Brazil international defender hi Norwich hmaah a inlan tura ngaih a ni. Arsenal laka beisei phak lo Alvaro Morata aiah striker Michy Batshuayi-a’n inkhel bul a ṭan zawk tura ngaih a ni bawk.

FA Cup third round-ah hian kum tin deuhthaw beisei loh result a thleng fo a, chuvangin Blues tan fimkhur a ṭul ang. League lamah Conte naute hi champion tura rinkai an ni tawh lo a, nikum aiin FA Cup hlutna a sang zual sawt ang.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com