Your Daily News

Mobile App ah chhiar theih in a awm e

I TAN TAL KUM TI THAR RAWH…by, Hriata Chhangte

0 113

I TAN TAL KUM TI THAR RAWH…

By, Hriata chhangte

Kum khat hi kan Lei ( Earth) in Ni ( Sun) a hel kual chhuah hun chhung ni 365 leh darkar 6 vel ani a. Ni 365 aia a rei hret avangin chumi hun chu adjust zel nan kum 4 dan ( 6 hours ×4 = 24 hours) February thla in ni 29 neih tirin, chu chu Leap year tih ani. Kan lei hian tunaia kual zau nasa zawk hian Ni hi hel se, hel chhuah nan ni 1000 lai hmang se, kum khat hi ni 1000 ni thung se…kei pawh hi kum 18 val pawh ka la tling lo vang. Kum khat hi engtia rei emaw rei lo pawh nise….mi tam ber tan chuan kum a thar hian kum khatin kan upa hret a, kan thihni kan hnaih hret a, calendar leh dairy bu kan thlak tih loh chu kan nun ah danglamna teh chiam a awm hlawm lo.

Marawh chu kum 2018 ah chuan engtin tin emaw engti kawng kawngin emaw PIANTHAR ve hrim hrim tum rawh, Thlarau lam se su anih loh pawhin khawvel thilah tal maw le…Nun kawng tha zawhin hmasawn tum bawk rawh…

Zing tin i thawh ve leh Pathian hnenah….Lalpa , engtin nge ni dawn vawiin hi… tih ziah tum la. Zan i mut dawnah …Hei Lalpa ni khat chu min hman zawh tir leh ta der mai…. kei chu ka lawm a, nang i lo lawm ve em…??? ti ziah ngam teh.

NUN hrim hrim hi kan mimal ngaihtuahna ( ATTITUDE ) hian a kaihruai vek a. Mahni ngaihtuahna ai sang emaw ai thain a nun theih tak tak loh. Thil dang engvak mah ti danglam theiin in hre lo mah la…i ngaihtuahna / rilru sukthlek erawh chu i ti danglam thei chiang…

Engkim i beisei ve thiang, engkim erawhin MAN ( price) a nei tih hria la, chu man chu i pek to ngam hisapin hlawhtlinna pawh i nei ngei ang. Engkim bul leh tawpna erawh Pathian thu ani e.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com