Your Daily News

Mobile App ah chhiar theih in a awm e

CANADIAN PUTAR KHAWNGAIH THLAKIN CHINA THLENG A ONLINE BIALNU A ZAWNG

0 627

Social media  hi infiamna chikhat a hmang tam tak an awm laiin, thenkhat erawh chuan online a an tawnte chu rilru zawng zawngin an kawm thin.

Canadian putar pakhat Jake kum 60 chuan online dating website atang a, a tawn chinese nuthlawi  RiLi kum 45 chu hmuh tumin Canada, Vancouver atang Shenzhen china ah a thlawk  lut a ni. Mahse vanduai thlak takin Pu jake-an China ram a thlen hnuah, a online bialnu Rili chu a be pawp thei ta reng reng lo a ni.

Pu Jake a leh Pi Rili te hi hun rei tak chhung chu email atang an inbe thin a, Pi Rili hian English a thiam loh avangin Pu Jake-a hian English lehkha china tawnga lehlin nan hian pawisa dollar 2,000 dawn lai a sen thu a sawi.

Pu  jake -an China ram pi Rili awmna khawpui Shenzhen a thleng hnu hian a bialnu chu a biak pawh theih tak lohah chuan, Shenzhen khawpui mihring nuai 100 lai awmna hmunah chuan, a bialnu thlaklak chu billboard anga awrhin Pi Rili chu hmuh ngei tumin khawpui lun lai lai ah chuan a vak kual a ni.

Pu jake-an China a pan hian Pi Rili chuan a website a personal information zawng zawng a lo block vek avang hian zawn chhuah ngaihna a awm lo a ni. Pu jake-a hian Rili thlalak chu a hotel thlenna ah a tar bawka, chinese taxi driver tam tak pawn Rili thlalak chu an taxi ah tarin pu Jake an Rili a hmuh ngei theih nan anpui bawk.

Rili hi engtiang pawn zawng mahse an hmu chuang lo, media mite pawhin pu Jake-a chu an hrilh a, i biak thin hmeichhia hi he thlalaka nula hi a ni lo ang, fake a ni ang tiin ang hrilh, mahse Pu Jake-a chuan an thu sawi chu a pawm thei lo, Thla sarih chhung chu email kaltalngin kan inbe reng thin , A lehkha min thawnah pawh min hmangaih thu a sawi a lawm tiin a tang tlat a ni.

Jake khawngaih thlak a chu a bialnu hmu ta lo chuan Canada a thlawhhaw a tul ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com