Your Daily News

Mobile App ah chhiar theih in a awm e

HMEL ATANGA HRISELNA EN DAN

0 2,480

HMEL ATANGA HRISELNA EN DAN
.
Darthlalangah inen la, i taksa hriselna lamah harsatna i neih leh neih loh awlsam taka hriat theih dan a awm niin mithiam ten an sawi. Tun tumah hian Times of India health section-in kan hmel hmai awmdan atanga kan taksa hriselna chungchang hriat theih dan ni a an sawi te kan rawn tarlang e.
.
1. I chal (forehead)ah inrin (lines) a awm em? Chutiang chu a awm a nih chuan chaw paitawihna lamah harsatna i nei tihna a ni. Zingkarah thildang i ei hmain sertui leh tuilum chawhpawlh in ziah la, tichuan a reh thei ang.
.
2. Ageing lines i nei em? A bik takin i hmui bawr velah khan inrin leh chuar deuh a awm nih chuan mei zuk vang a ni duh hle. Regular takin lip balm hmang la, chu chuan a tiziaawm thei ang.
.
3. I beng a thak em? Beng thak hi allergy emaw low tolerance emaw vang a ni duh hle. Psoriasis leh eczema te hi vitamin D kan tlachham tih lanchhuahna pakhat a ni.
Ni êng hnuaiah i bân leh hmai khuh lovin minute 10 vel awm thin la, tichuan vitamin D tam tak i taksain a dawng thei ang.
.
4. I chalah arngeng a awm thin em? Hei hi kawchhung lam fel lo vang a ni thei a, a bikin thin (liver) leh pum (stomach congestion) vang te pawh a ni thei. Tui in tam la, tichuan i taksaa tûr (toxin) awm te a tleuh fai ang. Thin (liver) tana chaw tha- thlai hnah hring ei tam la, caffeine telna chi ei tlem la, ei mai theih tura thil pack sa te pumpelh bawk ang che
.
5. I mit hnuaiah dum val deuh (dark circle) a awm em? I mut that a, i awm hahdam pawha dark circle hi a la awm reng tho a nih chuan food intolerance vang a ni thei. Chuti a nih chuan i ei leh in fimkhur a ngai. Bawnghnute leh wheat
lam chi ei lo la, dark circle chu a ziaawm em tih en rawh le. Zu in vang pawh a ni thei a, zu in tam loh pawhin alcohol hian dark circle hi a siam thei.
.
6. I khabe kual (jaw line)-ah arngeng a awm thin em? Oestrogen hi kan vun thian tha tak a ni, mahse, kan kum a lo tam a, oestrogen chu a lo tlahniam ve telh telh a,
vunin a mamawh ang a hmuh ta lo va, tichuan arngeng te a lo insiam phah a, a bik takin jawline leh hmul tona (hairline)- ah te a awm duh zual. Apricot, shiitake mushroom, kawlbahra leh theihai te ei tam la, heng hian vitamin A a pai tam a, skin cell dam chhung a tirei thei.
.
7. Pronounced frown line i nei em?
Pronounced frown line chu mit leh mit inkar, vun chuar, inrin chhuk ang deuh emaw, vun tawm khawm ang deuh emaw a awm hi a ni. Hei hian a entir chu thin (liver) fel lo a ni. Environmental leh
emotional factor pawh a ni thei a, food allergy vang pawh a ni thei. A chuar lai chu a bial (circular) zawngin dim taka nuai thin tur a ni.
.
8. I vunah duk deuh (dark patch) a awm em? Hei hi kan damdawi ei vang emaw, damlohna kan neih vang emaw a ni thei.
Age spot (vunah dum deuh
tek tek a awm thin, kum upat hnuah a awm duh zual) hi chuan kan taksaa tur (toxin) awm kan taksain a paihchhuak tihna a ni. Chaw tharlam chauh ei tur a ni a, tui in tam a, a dum laiah chuan castor oil tlem hnawih thin tur.
.
9. Hmui khawro (dry lips) i nei em? Hei hian internal dehydration a entir a, vitamin B leh iron tlakchhamna a entir bawk. Doctor rawn la, tui in tam ang che.

Leave A Reply

Your email address will not be published.