Your Daily News

Mobile App ah chhiar theih in a awm e

UK-in Yemen chhawmdawlna thawn dawn

0 53
UK-in Yemen chhawmdawlna thawn dawn

United Kingdom (UK) chuan Yemen tualchhung indona tuartu mipuite chhawmdawlna, pound maktaduai 50 hu a thawn lut dawn tih a sawi.

International Development Secretary Penny Mordaunt-i chuan UK hian thla khat chhung atan Yemen mipui maktaduai 3.4 tan food voucher a pe dawn tih a sawi a, hei bakah hian buh ton 106,000 leh hospital leh tui thianghlim pump na turin fuel a thawn lut tel dawn bawk a ni.

Yemen ah hian kum 2014-a Houthi helhoin an ram khawpui, Sanaa an lak aṭang khan tualchhung indona a la thleng reng a ni. Tun hnaiah helpawl leh sorkar sipaite hi an inbei ngawrh leh hle a, hei vang hian mipuite dinhmun pawh a chhe hle a, mi tam tak chu ṭam hmabakin an awm mek nia sawi a ni.

UN Secretary General Antonio Guterres chuan Yemen mipui harsatna tawk mekte chhawmdawlna pek an nih theih nan Yemen sorkar leh Houthi helte chu inkahhai puang turin a lo ngen tawh bawk.

Mordaunt-i chuan Yemen mipuite dinhmun chu a ni telin a chhe zel tih a sawi a, nitin nu leh pate chuan an fate, ni eng emaw zat ei tur nei loa awm tawhte ch damdawi-inah an hruai a, damdawi lama enkawlna a awm loh avangin an hmangaihte thi tur chu tih theih dang neisi loin lainat takin an thlir tawp mai a ni, a ti. UK in chhawmdawlna  a thawn luh hmang chuan mi tam tak nunna chhan theih an beisei thu a sawi.

Credit, vanglaini

Leave A Reply

Your email address will not be published.