Your Daily News

Mobile App ah chhiar theih in a awm e

*TI VE DUH SUH* Vanlalsanga Tochhawng – Khawbung.

0 81

*TI VE DUH SUH*
🌷Vanlalsanga Tochhawng🌷
– Khawbung.

#. Mi ten social media-ah chhiatna lam leh thu lawm awm loh lam chauh an sawi țhin laiin nang chuan ti ve duh suh. Sual lakah i lei veng țha rawh, nunna leh thihna lo chhuahna a ni a, i țawngkam chhuak khan ala man let leh dawn che ( Thuf. 6: 2 ).

#. Mi țhenkhatin mahni taksa lang tam thei thei an pholan laiin nang chuan ti ve duh suh. Khawvel mi chuan a taksa bak hmachhuan tur a nei si lo a, i zahawmna kha i mawina hmangin hralh suh ang che ( 1Kor. 1: 31 ).

#. Mi te nun beidawn vangin ruihlo khawvela an kal lai leh, mahni an intihhlum fo lai hian, nang chuan ti ve duh hlek suh. Chatuan thih hnihna bak a hruai thleng lo ang che (Juda Iskariota hrereng rawh.)

#. Tunlaina leh changkanna nena kristianna hmer kawp an awm mek lai hian, nang chuan ti ve duh suh. Kan Pathian chu niminah nen, vawiinah nen kumkhua pawhin a pangai reng si a ( He. 13: 8 ).

#. Mahni thawh chhuah ni lo, Pathian malsawmna pawh ni lo hmanga mite an in lak len ropui lai hian; nang erawh chuan ti in awt duh suh. Rei lo te-ah ah thlukin an la awm ang a, hnim hring angin an la vuai dawn si a ( Sam. 37: 1-2 ).

#. Miten Pathian thu leh khawvel thil chawhpawlha rawng an bawl lai hian, nang chuan ti ve duh suh, Lal hnih rawng a bawl kawp theih loh a, mahni lu chunga meiling chhek khawmna mai mai a ni zawk ( Mat. 6:24. ).

#. Tunlai dan alawm ti a mi tam zawk modernism lama an thlek suau suau lai hian nang erawh chu kal ve duh suh, mi ngaiha kawng dik ni awm taka lang, a tawp chu thihna ni si a ni (Thuf. 14:12).

🙏🏻🕎🙏🏻✝🙏🏻🕎🙏🏻

Leave A Reply

Your email address will not be published.