Your Daily News

Mobile App ah chhiar theih in a awm e

Russia President thlan hun tur tifel

0 184
Russia President thlan hun tur tifel

Russia Parliament upper house, Russian Federation Council chuan an ram president thlan hun atan nakkum March 18 a ruat.

Inthlan hun ruat chungchangah hian vote lak niin, Russian senator-te chuan lungrual takin an pawm niin speaker Valentina Matvienko chuan a sawi.

President thlan hun tur ruat fel a nih tak vangin election campaign pawh ṭan theih nghal a ni dawn tih Federation Council Constitutional Legislation Committee chairman Andrei Klishas chuan a sawi nghal bawk.

Nakkuma Russia President thlanna neih turah hian president ṭanglai, Vladimir Putin chuan a chuh leh dawn tih a lo sawi chiang tawh a, hei vang hian a term li-na atan thlan tlin a nih leh ngei rin a ni.

Sorkar hnuaia research centre VTSIOM-in mipui ngaihdan a lak hnuhnung berah President atana Putin-a duhtu hi 53.5% an tling a, December 10-a mipui ngaihdan a lak ṭum aiin Putin-a duhtu hi an pung a ni.

Russia President thlanah hian indepedent candidate aṭanga chuh tum tan amah thlawptu, voter signature nuai thum tal a lakkhawm a ngai a, political party hminga chuh tum tan a awm party chuan candidate an thlawpna lantirtu voter signature nuai khat tal a lakkhawm a ngai dawn bawk.

Leave A Reply

Your email address will not be published.