Your Daily News

Mobile App ah chhiar theih in a awm e

MIPA NAUPANG KUM 12 MI CHUAN A NU DAM LO ENKAWL NAN THÎR CHHIA A ZAWNGA ȚHIN

0 111

He naupang 12 mi leka upa China ram Nanyang, Henan a cheng Wangzhen hian a nu dam lo enkawl nan tiin theih tawp chhuahin Bawlhhlawh paihna vela thîr chhe zawngin nitin maiin a nu tan a nun pumpui a hlan thin.

Chhûn lama bawlhhlawh paihnaa a thîr chhe zawn chu thîr chhe leina dawrah a zuar țhin a, zan lamah pawh a inhlawh thin bawk nia tarlan a ni. A pawisa hmuh te hi a nu enkawl nan leh a ei tur chaw lei nan a hmang thin bawk.

Thisen a inzawmna nei miahlo a nu(nuhrawn)tana a inpekna hian fak a hlawhin miin an lainat hle.

Wangzhen-a hi kum 2 mi lek a nihin a nu chuan a boralsan a, apa chu a insaknaa a inhlawh țumin vanduaina tawk palin a kut titliak bawk,chutiang chung chuan a chhungte ala chawmnung thei reng a ni. Hun te liam zelin api in a boralsan ve leh ta a, api hian a thih hmain leiba tam tak alo nei a, hei hian an chhungkua harsatna chu a tipun belh hle a ni.

Api boral hnu chuan apa chuan nupui Liang Yingchun chu a nei lein, hun engemaw tichhung chu an hlim hman hle, mahse an chhungkua hlimna khawih chhe turin (lymphoblastic leukemia)natna chu anuhrawn chungah a thlen tak si avangin damdawiinah an admit nghal a ni.

Wangzhen chuan damdawiin a, a nuhrawn chu chaw te barhin a thlan te a hruk hul sak thin. Hospital bill pek tur hi apa hlawh nen chauh a daih tawk loh avangin thîr chhe zawngin a chhuak nitin thin.

Wangzhen chuan chhûn lama ka thir chhe zawn hi 2.50 Yuan(India rupees 24.25) vel ka hmu thin a. Tin, Medical bill pek that theih loh bakah Doctor ten ka nu hi tha taka enkawl a nih loh chuan beiseina a awm tawh loh thu min hrilh chiah khan ka nu thi mai tur chuan ka la phal loh avangin thir chhe zawng turin ka rilru ka siam fel ta a ni tiin a sawi.

Leave A Reply

Your email address will not be published.