Your Daily News

Mobile App ah chhiar theih in a awm e

IRAN-IN YEMEN HELHO BALLISTIC MISSILE A SUPPLY: US

0 290

United Nations (UN)-a US permanent representative, Nikki Haley chuan Iran chu Yemen helpawl, Houthi te hnenah Saudi Arabia an beihna tura missile supply-ah a puh.

Nikki Haley chuan thla hmasaa Houthi helten ballistic missile hmanga Riyadh airport bul an kahnaa a hnuhma awmte pawh report-te a entir nghal a ni. Missile them an hmuhte chu Made in Iran sticker a awm mai theih thu sawiin, Iran chu UN resolution palzutah a puh a ni.

Iran chuan Houthi helte ralthuam a supply loh thu a sawi thung. Houthi helte hi kum 2015 aṭang khan Yemen sorkar nen an inbei tawh a, Saudi Arabia kaihhruai Arab ṭangrual ramte chuan Yemen sorkar hi thlawpin, helho lakah hian beihpui an thlak bawk a ni.

Iran chuan US puhna chu thil awm lo leh dik lo, belhchian dawl lo a nih thu a sawi. Mahse Haley-i chuan missile them an hmuhte enfiahna aṭangin Iran siam ngei niin a sawi thung. He missile hi civil mi tam tak thihna thlen thei a nih thu sawiin, Iran sorkar chet dan chu pawm theih a ni lo a, ti.

UN Secretary General Antonio Guterres report chuan Riyadh-a missile kah leh, July thlaa Mecca bula missile kahthlak chu a siamtu thuhmun niin a lo sawi tawh a, mahse heng missile te hi Iran aṭanga kahchhuah an nih leh nih loh chungchang erawh tarlan tel a ni lo.

UN Resolution 2231 chuan Iran chu nuclear ralthuam phur thei ballistic missile siam hna thawk lo turin a khap a, hei bakah hian ballistic missile technology a enchhin pawh khapsak a ni bawk. Iran chuan missile a enchhinte chu nuclear ralthuam phur theia duan an ni lo niin a sawi. Mahse France, Germany, UK leh US chuan July thlaa Iran-in Simorgh space launch vehicle a kahchhuah chu nuclear ralthuam phur thei niin an sawi.

Credit ,vanglaini

 

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com